DC hoin bank hotute an ṭhukhawm

Lunglei SBI buatsaihin nimin khan Lawngtlai District Consultative Committee, District Review Committee leh District Level Security Committee chu Lawngtlai DC J Hmingthanmawia hoin DC conference hall-ah an ṭhukhawm.

J Hmingthanmawia chuan, bank-te chu sum peipung tur ringawta din leh siam an ni lo tih sawiin, "Ramin hma a sawn theihna tur leh mirethei zawkte khaichhuahna kawngah tih tur pawimawh eng emaw zat an nei a, an tih ngei tura beisei pawh sorkarin a bituk a ni. Lawngtlai district chhunga bank hrang hrangte pawh an tih tur sorkarin a beiseite
ṭha taka an tih a ngai a, district hmasawnna tur thil an koa awmte ṭha taka hlen ṭhin turin kan beisei," a ti.

Meeting-ah hian SBI lead bank, Lungleia chief manager James Pachuau-in September 2015 thlenga Lawngtlai district chunga bank hrang hrangte hnathawh tlangpui a tarlang a ni.