National Remote Sensing Day hmang

Mizoram Remote Sensing Application Centre (MIRSAC) chuan nimin khan Science & Technology conference hall-ah Father of Indian Space Programme Dr Vikram A Sarabai pian champha pualin Natio­nal Remote Sensing Day an hmang.

Remote Sensing Day lawmnaah hian chief scientific officer Dr RK Lallianthanga chuan, India ramin vansang lam thiamna kawnga tun dinhmun a thlen theih chhan chu Dr Vikram A Sarabai hmalakna rah a nih thu a sawi a, "India ram hi khawvel huap pawhin vansang thiamna lamah hmun pawimawh takah a ding. Mizoram pawhin hetiang lama thiamna a hman ṭangkai theih tur­in MIRSAC kal­tlangin theih­tawp chhuaha hmalak a ni," a ti.

Dr RK Lallianthanga hian MIRSAC-in Mizo ṭawnga an lehkhabu buatsaih, Remote Sensing & GIS a tlangzarh a; lehkhabu hi a hmang ṭang­kai turte hnenah sem a ni ang a, MIRSAC website www.mirsac.mizoram.gov.in ah a duh apiang tan lâk chhâwn theih tura dah a ni bawk ang.