Lo hâl hun hnuhnung March 15, 2016

Mizoram sorkar chuan thuchhuah siamin, State Level Fire Prevention Committee-in a rel tawh angin, Mizoram puma kumina lo/huan hâl hun hnuhnung chu March 15, 2016 a nih thu a tarlang.

Sorkar thuchhuah chuan, Lengpui Airport-a thlawhtheihna lut leh chhuak tur lo hâlin a tihbuai loh nan airport hnaiha mite chu tlai dar 3 hnuah chauh lo hâl turin a hriattir a; chungte chu - Lengpui, Hmunpui, Serzawl, Nghal-chawm, Sihhmui, Sairang, Sairang Dinthar, Mualkhang, Lengte leh Khamrangte an ni.