Zenghri chungchang sawiho

State Level Task Force Committee for Pulse Polio Immunization chu nimin khan Health secretary Lalrinliana Fanai hoin a pisaah an ṭhukhawm.

Meeting-ah hian WHO Eastern & South East India Region-a regional team leader Dr Debashish Roy-a'n khawvel pum huapin polio type-2 (zenghri) a awm tawh loh thu a sawi a, "Trivalent oral polio vaccine (TOPV) chu bivalent oral polio vaccine (BOPV) hmanga thlak a ni tawh. India sorkar pawh (BOPV) hmang turin a inbuatsaih a, April 25, 2016 hi National Switch Day atana thlan a ni," a ti.

Committee-ah hian Health & Family Welfare department, Social Welfare department, district council hrang hranga Health lam changtu te, WHO, UNICEF, Rotary Club leh MHIP aiawhte an tel a ni.