Fire Prevention Week hman dan tur rel

Lunglei DC Abhijit Vijay Chaudhari hoin nimin khan Lunglei District Fire Prevention Committee member-te DC Conference Hall-ah an ṭhukhawm a, Mizoram puma February 10, 2016
aṭanga Fire Prevention Week hman tur, Lunglei district-a hman dan tur an rel.

Abhijit Chaudhari chuan, Lunglei district chu Mizorama district pariat zinga ti ṭha ber ni tura ṭan lak a duh thu sawiin, "Sorkar bakah tlawmngai pawl hrang hrang, zirna in leh khawtlang mipuite ṭangrualin kângmei chhuak lo turin kan beih a ngai," a ti.

Meeting-ah hian, kum danga Fire Prevention Week chhunga hmalak tawh dante an thlir a; kum danga tih tawh angin kuminah pawh mipuite hnena kângmei laka inven pawimawhna hrilhhriat nan kawngzawh leh ngei ni se, an ti.

Kângmei ven pawimawhzia ziak ṭha chanchinbu hnena lawmman pek an rel a; PHE department chu kângmei chhuah thuta hman theih turin Lunglawn, Chanmari, Kikawn, Serkawn leh Zotlanga PHE tuizem-te ti khatt reng turin an ti bawk.