Inthlan chungchangah MPF kâwm
August 27, 2020-a village council leh local council inthlan tur kaihhnawihah Aizawl DC hnuaia thawktute chuan nimin khan DC conference hall-ah Mizoram People's Forum (MPF) hruaitute an kâwm.
Inkawmna hi additional DC K Vanlalruati'n a kaihruai a; election officer V Lalmuanpuii chuan inthlan chungchanga hriat tur pawimawh hrang hrang sawifiahin, "Election felfai taka neih a nih theih nan MPF ṭawiawmna a pawimawh hle a ni," a ti a, State Election Commission-in inthlan ní atana inkaihhruaina a duan chu zawm a nih theih nan veng tina MPF-te a ngen. Meeting-ah hian, inthlan puan a nih aṭanga result puan thlenga lekkawh tur Model Code of Conduct (MCC) sawiho a ni a; MCC chu dik leh felfai taka inthlan a nih theih nana ECI-in zawm ngei tura a duan a nih thu leh, a zâwm lo chu dan tlawhchhana hrem theih dante tarlan a ni.