Champhaiah Career Expo & Job Fair

Mizoram Startup Mission, Planning & Prog-ramme Implementation department, Labour, Employment, Skill Development & Entrepre-neurship department, Mizoram Youth Commis-sion leh Champhai College-te chuan nimin khan Champhai College multipurpose hall-ah Champhai Rahbi - Career Expo & Job Fair an buatsaih ṭan.

Champhai Rahbi hi Champhaia zirlaite leh ṭhalaite hma lam hun kawhhmuhna leh hna chungchang inzirtirna atana buatsaih a ni a, bawrhsap James Lalrinchhana’n a hawng. Hawnna inkhawm-ah Champhai Col-lege-a thawkte leh zirlaite an tel a, mithiamte'n thil pawimawhte an sawifiah. Vawiinah chhunzawma zawh a ni ang.

Career Expo & Job Fair-ah hian hotel management, nursing, network marketing, bank hrang hrang, insurance company, training & placement agency leh hotel-te an inbun a ni.

Champhai Bawrhsap chuan, Champhai Rahbi chu Champhai district ṭhalaite kawng kawhhmuhtu leh hna hrang hrang thawk tura an inpuahchahna atana hmanraw pawimawh tak a nih ngei a beisei thu a sawi a; zirlaite chu tum mumal nei a, chhungkua, khawtlang leh ram tana chhawr tlak nih tum tur leh, an eizawnna tur uluk taka ngaihtuah chunga rilru nei taka lehkha zir turin a chah.