Tuialhthei lâk theih zat bithliah

Food, Civil Supplies & Consumer Affairs (FCSCA) Director chuan October 7, Inrinni khan thupek tichhuakin, tuialhthei lâk theih zat bithliah a nih thu a tarlang.

FCSCA Director chuan, Joint Action Committee for Plyable Road-in vawiin aṭangin Sairang leh Vairengte inkarah bungraw phur lirthei tlantir loh an tum avangin tuialhthei renchem a ngaih thu a tarlang a, "Sorkar nena inbiakna a awm mek nachungin mipuite'n har­sat­na lian zâwk kan tawh loh nan petrol leh diesel ma­mawhtute'n rualkhai zawka an chan theih nan tuialhthei sem chhuah dan tur khuahkhirhna siam a ni," a ti.

FCSCA Director tarlan danin, petrol litre 5,000 leh diesel litre 7,000 chinah FCSCA department hriatpuina leh phalna loin pek chhuah tawh loh tur a ni a, a ṭûl angin department-in ruahmanna a siam ang.

Order hi DCSO tinin inspecting staff-te detailment order siamin an kengkawh tur a ni a; order hi thu leh awm hma atan hman tur a ni.