Kum 10 chhunga thing tawlh rutute sum chawi zat nuai 541

Mizoram Environment, Forest & Climate Change (EFCC) department-a division 11 zinga pariatah kum 10 (2013-2023) chhungin dan loa thing tawlh rutute pawisa chawitirna aṭangin Mizoram sorkarin cheng nuai 541 a hmu.

RTI Act tlawhchhana zawhna Forest division 11 zinga division pariat SPIO-te'n an chhàn danin, kum 2013 aṭanga 2023 chhung khan dan loa thing tawlh ru ṭhin an mante pawisa an chawitir zat chu Rs 5,41,60,435 a ni. Pawisa chawi tling khawm chu thla tin challan hmangin sorkar sum báwmah an chhûng lut ṭhin.

Forest division zingah Kolasib Forest Division-in thing tawlh rutute pawisa an chawitir a tam ber a, cheng nuai 245 a tling. Pawisa chawitir tlem ber Darlawn Forest Division-in Rs 7,24,942 an chawitir thung.

Sorkarin thing a hralh leh hralh loh zawhna chu EFCC department chuan thing a hralh ngai loh thuin an chháng a; thing tawlh rutute sum an chawitir sorkara an chhûn luh chu hman zui zel dan an hriatpui loh thu an tarlang bawk.