Economics & Statistics jubilee rally

Economics & Statistics department chuan an department kum 50-na, golden jubilee lawm nan Mizoram Cycling Association nen ṭang dunin October 7, Inrinni zing khan Cycle Rally an buatsaih a, thupui chu 'One state, one statistics’ tih a ni.

Rally-ah hian thirsakawr khalhtu mi 64 an tel a, Chanmari kâwn aṭangin Economics & Statistics director B Lalrinhlua'n a vailiam a, MINECO-a Economics & Statistics directorate thleng an tlân a ni. B Lalrinhlua chuan, statistic dik leh felfai neih pawimawhzia a sawi.

Directorate of Economics & Statistics hian October 11, 2023 hian golden jubilee lawmna pui ber an hmang dawn a ni.