Assam Rifles-in thil tawlhrûk an man

Assam Rifles chuan October 8, Pathianni leh nimin khan Champhai Chhungte leh Zotlang leh Chhungte inkarah Myanmar aṭanga dan loa kuhva rah lak luh ip 1,220 an man a, Rs 6,29,82,500 hû a ni.

AR sipaite chuan October 8 khan Chhungte huam chhungah truck pakhat aṭangin kuhva rah ip 249 an man a, nimin khan Champhai Zotlang leh Chhungte inkarah kuhva rap ip 971 an man leh bawk. Kuhva rahte chu Customs Preventive Force, Champhai hnenah an hlàn.

Assam Rifles-te chuan October 7, 2023 khan Zokhawthar leh Melbuk inkar kawngah ram dang aṭanga lak luh meizial báwmpui 17, beer báwm 88, whiskey báwm 15 leh wine bawm 16 an man bawk a, a vaiin Rs 26,76,400 hû a ni.