Siaha leh Champhaiah RTI Week

Siaha leh Champhaiah nimin khan Right To Information (RTI) Week hman a ni a; district chhunga sorkar hotu te, kohhran leh tlawmngai pawl hruaitute hnenah RTI Act chungchang zirtir a ni. RTI Week hi October 5-12, 2023 chhung hman tur a ni.

Siaha-ah chuan additional DC Lalnunmawii kaihhruaiin DRDO conference hall-ah hman a ni a; Lalnunmawii chuan, "RTI Act-in a tum ber chu sorkar rorelna ṭha leh dik awmtir a, sorkar hnathawkte'n an mawhphurhna an hriat a, mipuite'n sorkar kalphung thûk zawk an hriatna tura thawh a ni," a ti.

Champhaiah chuan DC conference hall-ah bawrhsap James Lalrinchhana'n a hmanpui a, SPIO leh SAPIO-te chu hun bituk chhung ngeia information pe chhuak ṭhin turin a chah.

RTI Act hi India ramah October 12, 2005-ah hman ṭan a ni a, Mizoramah chuan June 29, 2006-a Mizoram Information Commission din a nih hnuah July 5, 2006-ah hman ṭan a ni. Mizoram RTI Online (rti.mizoram.gov.in/) chu July 1, 2022 khan hawn a ni bawk.