Pâ (mushroom) khawi dan inzirtir

Mizoram Science Technology & Innovation Council (MISTIC) hnuaia Mushroom Centre chuan nimin khan Innovation Facility Centre Auditorium-ah pâ (mushroom) khawi inzirtirna, 'Training on mushroom cultivation - A scientific approach’ an buatsaih a, Planning secretary Lalmalsawma Pachuau-in a hawng.

Chawlhkar khat awh tur zirhona hawnnaah hian Lalmalsawma Pachuau chuan, pa khawia ei zawng turte chu sumdawnna an kalpui zel dan turah Planning and Programme Implementation department hnuaia Mizoram Start Up Mission-in puih an inhuam thu a sawi.

Training-ah hian pa chi siam aṭanga a thar thlenga tih dan turte inzirtir tum a ni a; Vitamin D pai tam, chaw ṭha leh hrisel shiitake leh oyster mushroom-te thlur bing bik a ni ang. Training zote aṭangin ṭanpuina dawng tur thlan a ni dawn a ni.