ZPM-in vote chhiar ní sawn turin ECI an ngen

ZPM president Lal­liansawta chuan, Mizoram Legis­lative Assembly in­thlan­puia vote tlate chhiar hun atana ruat, December 3, 2023 chu Pathianni a nih avangin sawn turin Election Commission of India hnenah nimin khan ziakin a thlen.

Lalliansawta hian chief election commissioner Rajiv Kumar hnenah lehkha a thawn a; ECI-in vote chhiar ni atana a ruat chu Kristiante ni pawimawh Pathianni a nih thu leh Mizoram pumah Pathian biakna hun hman ṭhin a nih thu tarlangin, "Vote chhiar hun tur ngaihtuah ṭha tur leh week­day (Thawhṭanni-Zirtawpni)-a ruat turin ka ngen che a ni," a ti.

ZPM party thuchhuah chuan, Mizoram inthlanpui vote chhiar hun atana Pathianni ruat a ni chu ṭha lo an ti hle tih a tarlang.