MṬKP hruaitute'n party pisa an tlawh

Mizoram Ṭhalai Kristian Pawl (MṬKP) hruaitute chuan Mizoramah tun aia rorelna dik a awm theih nan October 9-10, 2023 khan political party hrang hrang hmunpuia pisate an tlawh a, fuihna thu an sawi bakah, an ṭawngṭai.

MṬKP hruaitute hian kum 2023-a an rorel, 'Mizoramah tun aia rorelna dik a awm theih nan hmalak ni se' tih an bawhzui a, October 9 leh nimin khan political party panga - AAP, BJP, Congress, MNF leh ZPM headquarters pisate an tlawh a ni. MṬKP office bearer-te bakah, hruaitu dang ṭhenkhatte an tel.

MṬKP hruaitute hian political party hruaitute chu ram rorelna dawhkan kîl tura inbuatsaih mek an nih avangin rorelna dik tung dinga vawng nung turin an ngen a; ṭawngṭai-sakna hun an hmang bawk.