Vote chhiar hun sawn turin MKHC-in ECI an ngen

Mizoram Kohhran Hruaitute Committee (MKHC) chuan Mizoram Assembly inthlanpui vote chhiar hun sawn tur leh Inrinni leh Pathianni ni loah vote chhiar hun ruat turin Election Commission of India an ngen.

MKHC hian nimin khan Chief Election Com­mi­ssioner hnenah inthlan vote chhiar hun sawn tura ngenna an thawn a, "October 10, 2023-a MKHC ṭhukhawm chuan vote chhiar hun atana December 3, 2023 (Pathianni) ruat chung­chang kan ngaihtuah a, Pathianni hi Kristiante ni serh, khua leh veng tinah Pathian biak inkhawm neih ni a nih avangin vote chhiar hun sawn a, Inrinni leh Pathianni ni lo ruat turin kan ngen che a ni," an ti.

MKHC hian ECI chu inthlan an buatsaih chhoh turah inthlanna zalen leh felfai an buatsaih theih nan duhsakna an hlân a ni.