Lalpa Chhiahhlawh Intelkhawmte'n bial 18-a candidate turte an puang

Lalpa Chhiahhlawh Intelkhawm pawlte chuan nimin khan Aizawl Press Club-ah thuthar thehdarhtute an kâwm a; November 7, 2023-a Mizoram Legislative Assembly inthlanpuia Assembly bial 18-a an candidate tur mi 16-te hming an puang.

Nimina press conference an neihnaah hian, bial 18-a an candidate tur an puan tawhte bakah bial danga ding turte pawh an dap mek zel thu an sawi a, "Pathian lal ram sorkar kan ramah a din theih nan bial dangah Lalpa chhiahhlawh an din zel theih nan ṭawngṭainain hma kan la mek," an ti a; an chhinchhiahna (symbol) tur chu zungbun a nih thu an sawi.