Inthlan tur chungchang sawipui

Lawngtlai additional district election officer Abraham Beirazi Khithie chuan October 10, 2023 khan DC conference hall-ah MJA Lawngtlai district member-te chu November 7, 2023-a MLA inthlanpui neih tura an inpuahchah dan a hrilhfiah.

ADEO chuan, inthlan chungchangah thil hriat fuh loh vanga buaina leh harsatna a thlen loh nan mipui zirtir kawnga thawh-hopuiah thuthar theh-darhtute chu a sáwm a ni.

Hnahthial district election officer Chuau-hnuna pawhin nimin khan Hnahthial district-a political party aiawh te, printing press neitute leh thuthar thehdarhtute a kâwm a; MLA inthlanpui neih tura thil pawimawh hrang hrang a sawipui. Hnahthial district-ah hian bial pakhat, South Tuipui constituency chiah a awm a, service voter mi 87-te nen voter 16,381 an awm a ni.