Sik leh sa inthlak chungchang zirho

Mizoram Science, Technology & Innovative Council (MISTIC) hnuaia Climate Change Wing chuan nimin khan Champhaia Education training hall-ah zirna-ina science, social science leh environmental studies zirtirtu mi 104-te pualin 'Climate change' chungchang zirhona an buatsaih a; district education officer C Lalbiakzauva'n a hmanpui.

C Lalbiakzauva chuan, sik leh sa inthlak (climate change)-in ni tin khawsak phung leh thlawhhma lak thlengin nghawng a neih thu a sawi a, "Chhuan thar awm turte tan environment ṭha zawk siam turin zirtirtute'n kan zirlaite hnenah uar zawka kan zirtir a, kan kaihhruai a ṭul hle a ni," a ti.

Zirhonaah hian MISTIC project scientist Lalthanpuia'n climate change awmzia leh nghawng a neih hrang hrang a sawifiah a, sawihona hun hman a ni.