Huaisen chawimawina hlan

Ministry of Home Affairs-in mi huaisen, mi dangte nun chhanna atana mahni nunna thàpa chête hnena chawi­mawina a hlan ṭhin, Jeevan Raksha Padak Award (posthomus) dawng tura a thlan Anthony Lalhruaizela (L), Pukzing, Mamit district chhungte hnenah nimin khan Mamit DC VL Remliana'n chawimawina a hlan. Chawimawina hian Rs 1,00,000, medal leh thuchei a keng.

Anthony Lalhruaizela hi Indian Army-ah Assam Regiment (2017 batch) a ni a; chawlh laa Mizorama a haw laiin December 13, 2021 khan a ṭhiante nen Tlawng bul, Azuali Falls-ah an kal a, a ṭhianpa Tlawng tui khauhin a lak chu chhan tumin tuiah a lut a, a ṭhianpa chhan a tumnaah tui khauhin lain a thi a ni.