MNF-in a chhe berah seat 30 vel lak kan beisei - MNF Vice President

MNF vice president Lalthlengliana chuan nimin khan East Lungdar kâwnah Hrangturzo biala MNF campaign hawnna inkhawmah thu sawiin, inthlan awm turah MNF-in seat 30 vel an lak tur thu a sawi.

Lalthlengliana chuan, "MNF sorkar tharah SEDP dawng mek, dawn la hmabak, la dawng lote pek chhunzawm a, la pek zel tur an ni," a ti a; MNF sorkarah Covid-19 leh chhan hrang hrang vanga mipui duhthu an sam lohnaah ngaihdam dilin, "Sorkar hmasa hun lai anga harsatna hrang hrang kan tawhte pawh a kiam ve tawh ang a, ram leh mipui tan theihtawpin hna kan thawk zel ang," a ti.

MNF Vice President chuan, inthlan awm turah MNF-in a chhe berah bial 30 vel an lak ngei a beisei thu sawiin, "Hruaitu ṭha leh rintlak Pu Zoramthanga kan nei hi kan vannei hle a, a kaihhruaina hnuaiah kumin inthlan hian MNF a sorkar leh ngei dawn," a ti a; ZPM chu party ruhrel nei lo, hruaitute pawh inngeih lo niin a sawi a, Congress party chu tho leh tur chuan kum 15 vel hun an la mamawh dawn niin a sawi bawk.

Inkhawmah hian Hrangturzo biala MNF candidate tur Lalremruata Chhangte pawhin thu a sawi a ni.