Rahul Gandhi hoin Aizawlah kawngzawh

All India Congress Com-mittee (AICC) hruaitute chuan nimin khan Aizawl Press Club-ah thuthar theh-darhtute an kâwm a; Rahul Gandhi-a'n October 16, 2023 khian Mizoram a rawn tlawh dawn, a hoin Aizawlah kawngzawh huaihawt a nih dawn thu an sawi.

AICC hruaitute sawi danin, state danga an tih ṭhin angin October 16 khian Rahul Gandhi hoin Chanmari kâwn aṭanga Raj Bhavan gate bul thleng kein kawngzawh a ni dawn a; kawngzawh ṭan hun tur dat zat erawh sawi chian theih a la ni lo.

Rahul Gandhi hian Bharat Jodo Yatra kalpuiin, India chhim tàwp Kanya­kumari aṭanga hmàr tàwp Kashmir thlengin kein km. 4,000 chuang a kal a; mi chi hrang hrang kâwmin, an harsatna leh buainate ngaih­thlaksakin, chinfel dan a ngaihtuahsak a, an tan a au chhuak ṭhin.

Rahul Gandhi hian Mizorama a chàm chhungin Aizawlah mi chi hrang hrang a kawm dawn bakah, Lunglei pawh a tlawh dawn.

Ruahman dan chuan, October 17-ah leh­­lángin Lunglei a tlawh ang a, October 18-ah press con­fer­ence a neih zawhah Mizo­ram a chhuahsan dawn a ni.