ZPM-in corruption tihbuai loh sorkar din kan tum - Sapdanga

ZPM working presi­dent K Sapdanga chuan, ZPM party-in eirûkna leh hlem­hlêtnain a tihbuai loh sorkar din an tum thu a sawi.

K Sapdanga hian nimin khan Aizawl North-III chhunga ZPM Chan­mari West-a election infor­mation centre a hawnnaah thu a sawi a, "ZPM party hian corruption tihbuai loh sorkar din kan tum a, candidate-te pawh cor­rup­tion laka fihlîm turin kan intiam tawh a, hun remchangah Val Upa Council buatsaihin ziakin kan intiam leh dawn. Aizawl North-III bial mipui hi sorkar thianghlim din tura hmahruai turin kan tling tâwk a ni," a ti.

ZPM Working Presi­dent chuan, kum 1972 aṭangin Aizawl North-III bial mipuite'n ruling party hlir an la thlang tling tih sawiin, "Hei hian he bial mipui rilru hi a fím a, a huaisen a, sum leh therhlo mai maiin mipui duhthlanna a su nghîng zo lo tih a tichiang," a ti a; Aizawl North-III enkawltu MLA atan thlan tlin a nih chuan bial lo enkawl tawhtute hmachhawpte chhun­zawm turin theih­tawp a chhuah dawn thu a sawi bawk.