KHAWTHLIR

Sawn turin ngen

Rajya Sabha MP K Vanlalvena chuan nimin khan chief election commissioner Rajiv Kumar hnenah lehkha a thawn a, Mizoram MLA inthlana vote tla chhiar hun atana ruat December 3, 2023 chu Kristiante ni pawimawh Pathianni a nih avangin a tûk, December 4, 2023-a sawn turin a ngen.

Fimkhur turin chah

North Eastern Council (NEC) thupuangtu chuan, social media leh chan-chinbua hna, training leh training zawha hna hmuhsak theia inzuarte lakah fimkhur tur leh, advertisement-te chu a rintlak em tih finfiah hmasa ṭhin turin hmarchhak ṭhalaite a chah.

Inthlan hriattirna

November 7, 2023-a Mizoram Assembly inthlanpui neih tur chungchangah Mizoram district tina returning officer / district election officer (bawrsap)-te chuan nimin khan hriattirna (notification) an tichhuak. Inthlan kaihhnawih hun ruat hrang hrangte tihdanglam a awm lo.