Synod-in Missionary 104 tír chhuak

Synod Mission Board (SMB) chuan nimin chaw-hnu khan Bawng-kawn Kohhran biak-inah missionary a lak thar mi 104-te tirh chhuahna inkhawm a buatsaih.

Inkhawm hi SMB secretary Rev. K Lalrin-mawia'n a kaihruai a, SMB coordinator Dr Robert S Halliday-a'n missionary kal chhuak turte chanchin a sawi a, Synod moderator Rev. H Lalrinmawia'n tirh chhuahna hun hmangin, thuchah a sawi.

SMB hnuaia field hrang hrang 19 atana missionary lak tharte hi mipa 44 leh hmeichhia 60 an ni a; evangelist teacher tur mi 28, evangelist tur mi 61, staff nurse/health worker pariat, craft teacher paruk leh Chakma Gospel Team atan mi pakhat an ni.

Mission field hrang hranga thawk turin or-dained minister panga leh bial vawng tur mi 13 tirh chhuah nghal an ni a; missionary ṭang lai, kum 2016-a pension-a chhuak mi pasarihte hnenah ngaihhruina thuziak hlan a ni bawk.