Lirthei chhiah thar hmang ṭan dawn

Transport department chuan vawiin aṭang hian lirthei aṭanga chhiah lakah rate thar an hmang dawn. An rate hman tur chu lirthei man aṭanga 6% a ni.

Thu dawn danin, lirthei chhiah rate thara lak tur hi lirthei zawng zawngah a ni dawn a, sumdawnna lirthei hrang hrangte pawh a tel vek dawn. Tuna life time tax lak mek chu chhunzawm zel a ni dawn a, lifetime tax lakna rate chhût nan hian lirthei thar man aṭangin 6% lak a ni dawn a ni.

Lirthei aṭanga chhiah lak tihsanna tur hian July 8, 2015 khan Assembly-ah dan, The Mizoram Motor Vehicles Taxation (Amendment) Bill, 2015 an lo pass tawh a, tuna rate tihsan hma chuan life time tax atan hian lirthei man aṭanga 4.5% lak ṭhin a ni.