Infiamnaah hma kan sawn - Thanzara

Tuikum Block Congress Committee chuan January 5 khan Hualtuah conference an hmang a, an hun hmanpuitu minister Lal Thanzara chuan Congress sorkar hnuah infiamna lamah Mizoramin hma a sawn thu a sawi.

Lal Thanzara chuan Chief Minister leh Sports Minister-te hmalakna zarah khelmualah phul lem phah a nih thu sawiin, "Kan sorkar hnu ah phailam ah kan football player ten club lian hrang hrangah eizawnna tha tak an hmu tawh a ni," a ti a, FIFA pawhin Mizoram chu a hriat tawh thu a sawi.

I League khel thei team Mizoramin a nei chu ropui a tih thu sawiin, "India ram club lian kan ramah an rawn khel ve thei ta. TATA te nen pawh inbe rem in tunah hian grassroot level football academy middle school 60-ah tan thuai a ni dawn," a ti.

Lal Thanzara chuan Congress sorkarin a tum ber chu Zokhuaa kut-hnathawktute leh khaw-puia rethei leh chanhai zawkte khaichhuah a nih thu sawiin, "Hemi atan hian NLUP kan nei a ni," a ti a, NLUP hlawhtlinna hmuh tur a awm mek thu a sawi.