PUC-in khaw chuam atan Lungleng thlang

Pachhunga University College (PUC) chuan khaw chuam (adopted village) atan Lungleng an thlang a, February 5, 2016 tlai khan Lungleng community hall-ah a puanzarna hun hman niin, Higher & Technical Education minister R Romawia'n a hmanpui.

R Romawia chuan, "Hmasawnna tak tak tura ruahmanna siam tur chuan statistics dik leh rintlak a pawimawh. PUC hmalakna zarah Lungleng khaw nihna dik tak chu kan hre thuai dawn a, a chhe lam lo langte pawh mualphonaa ngai lo a, khawtlang tan kawng ṭha zawk inkawhhmuh nan hmang thiam a ngai," a ti.

PUC hian Village Adoption Project hi kum 2012 aṭang-
in an kalpui ṭan a, kum 2012-2013 chhunga khaw chuam atan Phulpui khua thlangin, Phul-pui khua an zirchianna leh an hmalaknate chu ‘An Insight Into Phulpui’ tiin lehkhabuin an lo tichhuak tawh a ni.

Village Adoption Project atan hian PUC-a zirtirtu zawng zawngte'n sum an thawhkhawm ṭhin a, chumi hmang chuan an khaw chuama harsatna tawh mek-te zir chiangin, ei leh bar, zirna, hriselna leh thianghlimna kawng-ahte an hmasawn theih nan an puih ṭhin. Pipute sûlhnû hlui humhalh leh ramngaw leh tuihna humhalh kawngahte mipui zirtirin hma an la ṭhin bawk.