KHAWTHLIR

KTP-in thisen pe

KṬP, Tuikhuahtlang Branch chuan Central KṬP Blood Donation Calendar angin October 14, Inrinni khan an kohhran hall-ah ZMC Blood Centre tan thisen unit 36 an pe a, petute mipa 30 leh hmeichhia paruk an ni. KṬP, Dawrpui Vengthar West Branch pawhin Inrinni khan an kohhran hall-ah Synod Hospital tan thisen unit 30 an pe a, petute mipa 25 leh hmeichhia panga an ni.

MNF leh HPC(R)

MNF leh Hmar People's Conference (Reformation)-te chuan kumina Mizoram inthlanpui atan October 13, 2023 khan thawhhona thuthlung an ziak.

Tuiah tla hlum

December 14, Inrinni tlai dar 3 vel khan Daniel V Lalrinchhana (32), Lawngtlai Vengpui chu Chhimtuipui lui, Tuipui Ferry-ah a tla a, nimin tlai thleng khan hmuh a la ni lo. Lawngtlai aṭanga thu dawn danin, Daniel Lalrinchhana hi a ṭhiante nen Tuipui Ferry-ah an kal a, Daniel-a leh a ṭhianpa pakhat chu tuiah an chesual a, pakhat zawk chhan hman ni mah se, Daniel-a chu chhan hman a ni lo.

Polling party randomisation

Mizoram inthlanpuia Lunglei district-a duty tur polling party-te duty-na tur polling station chinfelna hmasa, polling party first randomisation chu October 14, Inrinni khan district election officer Ramdinliani pisaah neih a ni. October 21-ah second randomisation tih a ni ang a, November 4-ah a tawp nan tih leh a ni ang. Lunglei district-ah hian presiding officer 213, assistant presiding officer 213, polling officer 416 an awm dawn a; hmeichhia vekin an vil tur pink polling station 12 a awm.