MNF chu Mizo hnam leh sakhua humhim tura din a ni - MNYF President

MNF ṭhalai president Dr L Thangmawia chuan, MNF chu Mizo hnam leh sakhua humhim tura din a nih thu leh kalphung nghet tak neia kal reng a nih thu a sawi.

Dr L Thangmawia hian October 14, Inrinni zing khan Khatla South YMA Hall-ah Aizawl West-III MNF campaign a hawnnaah thu sawiin, "MNF hi Mizo hnam leh sakhua humhim tura din a ni a, India ramah pawh party upa berte zinga mi, a din tirh ata hming la thlak ve lo, kalphung nghet tak nei, mei mit loa la kal reng a ni," a ti.

MNF chu hun harsa leh khirh tam tak paltlang tawh a nih thu sawiin L Thangmawia chuan, "Political party satliah a ni ve lo a, Mizo hnam hma hruaitu a ni," a ti a; Covid-19 léngin ṭhalai tam tak rilru a hruai khawlo nia sawiin, "Social media-ah mi chhiatna lai sawi chiam chiam an tam phah," a ti. MNF president Zoramthanga chu mi tam takin an beihnate chu dik ni se chuan Pathianin chief minister a nihtir fo a rin loh thu a sawi bawk.

Aizawl West-III biala MNF candidate tur K Lalsawmvela pawhin thu a sawi a ni.