Media workshop buatsaih rêl

Mizoram Chief Electoral Office hnuaia State Media Cell chu an chairman H Lianzela, additional chief electoral officer kaihhruaiin October 14, Inrinni khan a pisaah an ṭhukhawm a; chanchinbumite tan October 25, 2023-ah Media Sensitization Workshop buatsaih an rêl.

H Lianzela chuan, inthlan kaihhnawih inpuahchahna chak taka kalpui mek karah thuthar puanzar leh thehdarhah ṭan lak zual a ṭul thu a sawi a, "Mipuite vote thlak vek tura zirtirna SVEEP campaign kaltlanga neihte chu ngaih pawimawh zual a, media kaltlanga mipui hriat tur ṭul puanzar leh dan palzûtna awm theite enfiah reng a ṭul," a ti.

Ṭhutkhawmah hian social media leh media monitoring response team tan nodal officer leh media assistant turte ruat a ni a; SVEEP campaign kaltlanga hmalak dan tur te, young voters' club din dan tur te, Media Cell mawhphurhna leh hmalak ṭulnate sawiho a ni.

Inthlan chungchanga thuthar leh thu thehdarh kaihhnawiha hriat duh nei tan State Media Cell hi phone number 0389-2954392, 8731806897 (whatsapp), 8787622508 leh mzelectionmedia@gmail.com ahte biak theih a ni.