Muanna Vengah in panga ṭhiat

Muanna Veng, Aizawl-a mimal kudam hmun tur laih vangin hmun zau tak awhin lei a khi a, lei khi huam chhunga in 10 zinga a hlauhawm zuala ngaih in panga chu February 6 leh 8 khan khawtlangin hnatlangin an ṭhiat.

Muanna Veng Local Council chairman Sakhawliana sawi dan-in, lei khi vang hian in pang-a, Assam type vek an ṭhiat tawh. Ṭhiah ngaia an hriat in dang pakhat a la awm bakah, RCC building pakhat chu luah ngam lohin a awm mek a, a tih zui dan tur an la sawi chiang thei lo a ni.