RGKA-a medal 36 lak lâwm

Mizoram State Sports Council (MSSC) chuan nimin khan MSSC pisaah January 27-29, 2016 chhunga Puducherry-a RGKA hnuaia National Level Rural Competition Group III-a Mizoramin medal 36 a lak lawmna an buatsaih a, Sports secretary leh RGKA chairman Zothankhuma'n a hmanpui.

Zothankhuma chuan, Mizo infiam-mite'n vai ṭawng an thiam tâwk loh avangin harsatna an tâwk nasa tih sawiin, Mizo infiammite chu vai
ṭawng thiam tum turin a chah a, "National level leh phaia kan feh chhuahna hrang hrangah team official-te'n hmasawnna an neih belh zel theih dan tur ngaihtuah chunga naupang an kaihhruai a ngai. Harsatna an neih chuan sorkarah thlenin, keini'n Sports ministry-ah kan thlen ve leh zel dawn a ni," a ti.

National Level Rural Competition Group III-ah hian football, judo leh weighlifting-ahte inelna neih a ni a; Mizoram chu football mipaah champion in, hmeichhe team chu pahnihna an ni. Judo-ah leh weightlifting-ahte medal eng emaw zat an dawng bawk.

RGKA medal 36 lawmna inkhawmah hian medal latute hnenah MSSC chuan lawmpuina thilpek a hlan a ni.