Naupang khuaikhem duh loin kawng zawh

Kolasib district-a Saipùm khuaah mi pakhatin hmeichhe naupang kum tling lo pawngsual a tum avanga lungawi loh lantir nan nimin khan Saipum MHIP-te'n kawng an zawh.

Thu dawn danin, HR Laldinga (19) s/o TC Mawia chuan Thawhṭanni tlai khan an inah hmeichhe naupang pakhat khuaikhem tumin a hruai lut a; mahse, a hruai lut lai hmu leh ringhlel an awm avangin HR Lal-dinga chu an luhchilh a, hmeichhe naupang chu an chhan hman a ni. Saipum VDP-te chuan HR Laldinga chu an khuaa IR police-te kutah an hlan.

Nimina kawng zawhtu MHIP-te chuan IR police camp kawtah kawngzawh an titawp a, HR Laldinga chu an kuta pe turin IR police-te an ngen a, police-te nen hian innawr deuh a ni.