ECI-in thutlukna a la siam lo

Tripura relief camp-a Mizoram mi Bru awmte'n vote an neihna district pathuma electoral roll kalpui dan turah Election Commission of India (ECI) - in thutlukna la siam lo.

ECI chuan January 14, 2016 khan Mizoram Chief Electoral Officer hnen-ah lehkha a thawn a; Mizoram electoral roll ennawnah Tripura relief camp-a Bru-te an tel loh avangin, Bru camp-a awmte roll-a thun dilna leh sawisel an neihte tihfel nan April 30, 2016 thleng nghak phawt turin a hriattir a ni.

Vanglaini palai zawh-na chhangin Mizo-rama Election department ho-tute chuan, district pathum electoral buaipui dan turah hian ECI aṭangin thu an la dawn loh thu an sawi a, "An thu kan ngaichang tawp mai a ni," an ti.

Tripura Bru relief camp-a awmte'n vote an neihna hi Assembly bial hrang hrang pakua a awm a; chu'ngte chu - Kolasib district-a bial awm zawng zawng Tuirial, Kolasib leh Serlui bial te, Mamit district-a bial zawng zawng, Hachhek, Dampa leh Mamit bial te, Lunglei district-a bial pathum - Lunglei South, Thorang leh West Tuipui bialte a ni.