Transport Minister-in rel kawng en March chhunga zawh theih beisei

Transport minister John Rotluangliana chuan nimin khan Bairabi leh Lumding, Assam inkara rel kawng zauh meka hnathawh dan a en a; Railways hotute chuan March 2016 chhunga an zawh hman tur thu an lo hrilh.

John Rotluangliana hian Bairabia rail hmanga buhfai phurhluhna ber broade gage tihlen anih vanga rail aṭanga buhfai phurh luh theih a nih loh vangin Bairabi hi a tlawh a ni

Railways hotute'n Transport Minister an hrilh danin, tun dinhmunah rel kawng zauh hna hi 80% - 90% vel zawh a ni tawh a, March thlaah chuan rél lianin Mizoram a rawn luh hman beisei a ni. Rel lian a luh hunah tun hmaa buhfai phurh luh ṭhin let phurh theih a ni ang.

Rel lian hian Bairabi-Sairang rel kawng siam meka hmanraw mamawhte phurh theih a nih dawn avangin chak zawka hna thawh theih Railways hotute an beisei.

Thuthar thehdarhtute zawhna chhangin Railways hotute chuan, Bairabi-Sairang rel kawng siamnaah harsatna lian tham an tawh loh thu an sawi a, "Zangnadawmna lamah harsatna tênau deuh chu kan la nei," an ti.

Transport Minister hi chief secretary Lalmalsawma leh Trans-port secretary Hrangtawna ten an ṭawiawm a; Chief Secretary chuan rel kawng siam mek chungchangah Railways hotute a kâwm leh a ni.