Internal Assessor's training buatsaih

National Health Mission-a State Quality Assurance Standards buat--saihin, nimin khan Synod Conference Hall-ah Training for Internal Assessor's ṭan a ni a, vawi-inah chhunzawm a ni ang.

Training hi NHM mis--sion director Dr K Lal-biakzuala'n a kaihruai a, district hrang hranga medical superintendent, medical officer, nur-sing superindentent, phar-macist leh laboratory tech-nician-te an tel.

National Health System Resource Centre, New Delhi aṭangin senior consultant Dr Nikhil Prakash leh a hote mi pathum bakah, Regional Resource Cen-ter, Bihar aṭangin mi pahnihte thil zirtir turin an lo kal.

Quality Assurance hnuaiah hian damdawi-in inrêlbâwl dan te, dam--lo enkawl dan leh kawng hrang hrangah enfiahna tur siam a ni a; district headquarters tina sorkar damdawi-inte chu Quality Assurance hnuaia check list angin an kal ang a, certified hospital an nih chuan khum pakhat zelah ṭanpuina Rs. 5,000 zel an dawng thei dawn a ni.

Quality Assurance hi programme thar a ni a, kum 2014-ah kalpui ṭan a ni. Mizoram aṭangin kum 2014 khan external assessor pahnihin New Delhi-ah training an nei tawh a; State Quality Assurance Committee leh Quality Assurance Unit duan fel tawh niin, pilot pro-ject atan Aizawl leh Lung-lei thlan a ni tawh bawk.