Gate-ah pawisa la tam

Vairengte checkgate hrang hrangah driver-te hnen aṭanga pawisa laksak a tam hle nia thu dawn a ni a, a bikin truck driver-te hnen aṭanga laksak ṭhin a ni.

Thu dawn danin, Vairengtea Police check gate-ah truck pakhatah Rs. 300 an la deuh zel a; Excise & Narcotics gate-ah Rs. 100; Supply department gate-ah Rs. 100, Trade & Commerce gate-ah Rs. 50/100, Taxation department gate-ah Rs. 500-te laksak ṭhin an ni.

Transport department chuan la tlem berin, Rs. 50 emaw, a aia tlem emaw an lak ṭhin thu motor lian khalhtute'n Vanglaini an hrilh. Gate hrang hranga pawi-sa lak hi a receipt an pek ngai loh thu an sawi a, gate hrang hranga sum lakte chu sorkarah chhûn luh a awm loh thu thu dawnna chuan a sawi bawk.