DEO pisa sak mek enfiah

Parliamentary secretary (School Educa-ion) Joseph Lalhimpuia chuan nimin khan Kolasib-a District Educa-tion Officer pisa sak mek leh Kolasib Hmarvenga primary school chhùnfin hmuna Education Rest House tur buatsaih mek a tlawh.

Joseph Lalhimpuia chuan, DEO pisa sak thar meka thawh hmabakte enfiahin, "Pisa sak zawh nan hian sum pawh ruahman fel tawh a ni a, tun aṭanga hun rei lo têa hawn beisei a ni," a ti. DEO pisaa thawkte chu naupangte zirtirna lamah an rilru zawng zawng an peka an sên theih nan zirtirtute ser-vice kaihhnawih reng rengah zirtirtute tibuai lo zawnga tihfelsak ṭhin turin a chah.

Joseph Lalhimpuia chuan, School Education department-in zirtirtu leh thawktu dangte tan training hrang hrang an buatsaihin thlenna thurah harsatna an tâwk fo ṭhin tih a sawi a, "Chuvangin, Education Rest House hi buatsaih tum a ni," a ti.