KHAWTHLIR

Budget pawm

Nimin khan CS conference hall-ah RMSA, SSA leh Midday Meal Executive meeting neih a ni a; SSA Annual Work Plan & Budget 2016-17 atan cheng nuai 19,031.85 an pawm. Hei hi kum hmasa budget aiin 8.17%-in a tlem zawk a ni.

Thisen pe

T Romana College zirlaite chuan nimin khan thisen an pe a, mipa 86 leh hmeichhia 36-in Aizawl Civil Hospital tan unit 122 an pe.

Lehkhabu tlangzarh

Laldawngliani Chawngthu-in hlahril (peom) a phuah dahkhawmna lehkhabu, 'of butterflies and lullabies & Unfinished Conversations' tih chu nimin khan Aijal Club-ah Mizo Academy of Letters president Lalthangfala Sailo-in a tlangzarh.

Handicratfs workshop

Mizoram Apex Hand-loom & Handicraft Cooperative Society Ltd. (MAHCO) chuan nimin khan IPR auditorium-ah Local Level Marketing Workshop on Handicrafts an buatsaih a, MAHCO chairman R Zohmangaiha'n a hawng.

Rohluna'n sawipui

School Education minister H Rohluna chuan Thawhlehni khan Ministry of Human Resource Development secretary SC Khuntia leh hotu pawimawh dangte a hmu a; SCERT hnuaia teacher education second instalment te, RMSA second instalment cheng vbc. 7.48 te, SSA second instalment vbc. 37
chuangte leh Hindi teacher thla thum hlawh la pek loh pek chhuah dan turte a sawipui.

MZU free clinic

Mizoram University-a Community Development Cell leh Health Centre ṭangkawp chuan nimin khan Sakawrtuichhunah a thlawna inentirna an buatsaih a, mi 150 vel an inentir. Dr. Lalnilawma leh Prof. Lianzela ten thu an sawi a, free clinic chu India President thuràwn anga buatsaih an nih thu an tarlang.