Mayor-in leichimna hmun a tlawh

Aizawl Municipal Corporation (AMC) mayor PC Lalhmingthanga leh deputy mayor Lalringliana-te chuan nimin khan Laiputlanga leminna hmun an tlawh a, lei chim ṭhin vên dan tur an enfiah.

PC Lalhmingthanga chuan, Laipuitlang leimin leh lei che reng chu an ngaih pawimawh thu sawiin, "Helai hmun hi a rang lama siam a pawimawh a, lei chim leh mai thei tur venna hi ngaih pawimawh a ngai a, sum awm lo chung chung pawhin bawhzui a
ṭul," a ti a; Smart City sum hman theih hunah lei chimna hmun chu AMC hming chher nan hmun pawimawh leh nuam takah siam ṭul a tih thu a sawi.

Mi 17 an thih phah tawhna hmun, Laipuitlanga leiminna hmun chu a siam rem dan tur AMC engineer-te nen sawihoin, Aizawl DC-in endik tur Joint Inspection Team a din ṭha an tih thu sawi a ni a; lei chim leh thei ven dan tur ruahmanna an lo siam tawhte thlirin, hmalak zel dan tur sawiho a ni.