State ralmuang ber a nih vangin Mizoramin duhsak a phu: Larsap

Governor Lt.Gen. Nirbhay Sharma chuan, February 8, 2016-a Rashtrapati Bhavan-a Governor Conference-ah Mizoram chu ram rálmuang a nih avangin duhsak a phu tih a sawi.

Larsap chuan, "Mizoram chu state ralmuang ber a ni a, state tih hmasawnna tur ṭanpuina pek chhuah chungchangah pawh duhsak a phû. Skill development-ah Mizo ṭha-laite an hlawhtlin theih a rinawm. Prime Minister hmathlir 'Make in India' hnuaiah Horticulture atana hmun duhthusam, Mizoram hi ngaihven ni se ka duh," a ti.

Bru refugee vanga Mi--zoramin harsatna a tawh hrang hrangte thlen-in, ramri venhimna kawngah tun aia nasa zawkin sorkar laipuiin Mizoram chu a puih a ngaih thu a thlen a ni.

Act East Policiy hlawh-tlin nan Mizoramah digital connectivity, railway connectivity, leh kawngpui ṭha zawkte siam hmasak a ngaih thu sawiin, Nirbhay Sharma chuan, "KMMTTP kawngpui laih mek leh Bairabi rel kawng siam hna thawh mekte chak zawka kalpui a ṭul a ni," a ti.

Governor Conference hi President Pranab Mukherjee-a'n thlengin, prime minister Narendra Modi, vice president Hamid Ansari, Cabinet minister te, NITI Aayof Vice Chairman leh National Security advisor Ajit Doval te an tel.

Conference-ah hian ram chhung venhimna te, fiarfiak leh hel pawl kaihhnawih chungchang te, ṭhalaite tana skill development kaltlanga hna thawh tur siamsak te, zirna te, national flagship programme hrang hrangte leh sorkar hma-lakna pawimawh tak takte sawiho a ni.