CYMA hruaitute leh CEO inkâwm; Vote chhiar hun sawnah beisei sang

Central YMA hruaitute chuan nimin khan Mizo­ram chief electoral officer (CEO) Madhup Vyas chu a pisaah kal chilhin an kâwm a, Mizoram Assembly inthlanpuia vote chhiar hun chungchang leh Tripura-a pém Bru chung­chang an sawipui.

CYMA hruaitute chuan, Mizoram inthlanpui vote chhiar ni atana December 3, 2023 ruat tawh chu Pathianni a nih avangin sawn an duh thu leh sawn tura ngenna CYMA leh pawl hrang hrangin Election Commision of India (ECI)-ah an thlen tawh thu an sawi a ni.

CEO Madhup Vyas chuan, vote chhiar hun sawn tura Mizoram aṭanga ngenna ziaka an dawn khawmte chu a hlâwmin October 13, 2023 khan ECI hnenah an thawn thu CYMA hruaitute a lo hrilh a; vote chhiar hun sawn turin beiseina an nei sang hle tih a sawi.

Tripura-a mahni duh thua pém thla Bru-te chungchangah, Mizoram Electoral Roll aṭangin paih vek tawh an nih avangin Bru-te tan inthlan chungchangah ruahman hranpa siam a ngaih loh thu Madhup Vyas chuan a sawi bawk.