INTHLAN INBUATSAIHNA: Expenditure observe-te'n ṭhutkhawmpui

Mizoram Legislative Assembly inthlanpui November 7, 2023-a neih tura Champhai district-a expenditure observer Abhishek J Jain, IRS chuan nimin khan Champhai DC conference hall-ah election team hrang hrangte a kâwm a; Kolasib district-a expenditure observer tura ruat Karni Dan chuan nimin khan Kolasib district-a election official-te DC conference hall-ah a kâwm bawk.

Abhishek J Jain chuan, inthlanna felfai, dik leh thianghlim a awm theihna turin MLA candidate tinte inthlana sensoin cheng nuai 28 a pêl tur a ni lo tih a sawi a; team hrang hrangte chu inpawh tlang taka thawkho turin a chah.

Karni Dan chuan, Election Commission of India-in a duh ber chu inthlanna thianghlim leh felfai, inthlan chuhtu zawng zawngin chanvo inang tlâng changa zalen taka inthlan an chuh theih nana remchang siamsak a nih thu a sawi.

Ṭhutkhawmah hian expenditure observer leh returning officer bakah, ARO te, assistant expenditure observer te leh accounting team te, media certification and monitoring committee member te, flying squad team, static surveillance team, video surveillance team leh video viewing team member-te an tel a ni.