Mamitah gas bûk tling lo man

Mizoram Consumer Union (MCU), Mamit district hruaitute chuan nimin zing khan Mamit Bazar Venga gas sem tur an enfiahnaah bûk tling lo eng emaw zat an man.

Mamit district MCU hruaitute hian Mamit Bazar Venga gas sem tur truck phur khat chu enfiahin, gas bûr 306 chu an bûk vek a, bûr 306 zingah bûk tling lo leh hralh tlak loh bûr 52 an hmu chhuak a ni.

Gas bûk tling lote chu mipui hnena hralh lo a, phurh lêttir leh vek a ni a; gas phurtu leh semtute chu tun hnuah chuan Mamitah gas bûk tling lo phur lut tawh lo turin an hriattir a, an phur lut leh a nih chuan hrem an nih theih nan thuneitu sang zawkah an kalpui zel tawh tur thu an hrilh bawk.