MJA hruaitute leh Chief Secretary inkâwm

MJA general head-quarters office bearer-te chuan nimin khan chief secretary Lalmalsawma chu pi-saah an hmu a, sorkar aṭanga advertisement bill leh Mizoram House-a thlen harsatna an tawhte an hrilh.

MJA hruaitute chuan, chanchinbua adver-tise-ment an chhuahna bill sorkar department ṭhen--khata rei tak tak a táng
ṭhin chu sum harsat vang a nih tho rualin, ngaih pawimawh tâwk loh nia an hriat thu an hrilh a; advertisement bill chungchanga sorkarin May 2, 2000-a office memorundum a chhuah tawh chu tharthawh leh ni se an duh thu an sawi.

MJA chuan, sorkar department-te'n adver-tisement bill an dawn
aṭanga thla thum ral hmaa an pek fel vek theihna atana hma laksak turin Chief Secretary an ngen a; Chief Secretary chuan a enzui tur thu a lo hrilh.

MJA hruaitute chuan, Mizoram sorkarin accre--dited journalist-te Mizo-ram House-ah sor-kara group 'A' anga thlen phal-sak an ni chu thil lawm-awm tak a ni a, chu-tih rualin, Mizoram House enkawltute'n 'offi-cial not on duty' anga thlen man chawitir an tum ṭhin chu an ngaimawh thu an sawi.

Journalist-te chu darkar 24 chhung hna thawk leh khawikipa kal thut thut ṭhin, khawi aṭang pawha hna thawk reng an nihna hriatthiampui a, Mizoram House-ah 'official on duty' anga thlen-tir zel an nih theih nana hma laksak turin Chief Secretary an ngen a ni.

Chief Secretary hian MJA hruaitute hi ṭha takin a lo dawngsawng a, hun vawn dik chungchanga sorkar hmalakna kal mekte pawh an sawiho a ni.