KHAWTHLIR

Thingin delh hlum

Nilaini chawhnu dar 2 vel khan Laltluangkima (48) h/o Zonunmawii, Khawbung chu an thingin a delh hlum. Thu dawn danin, Laltluangkima hi a ṭhianpa nen thingzai turin Tuiaw lui kamah an riak a, thing zai tur an hlànna lamah chesualin, thingin a delh a, a hliam tuar loin a thi a ni.

Ram kâng zirho

ASEP chuan nimin khan IPR Conference Hall-ah 'Impact of forest fire on environment and wildlife' tih thupui hmangin workshop an buatsaih a, ASEP member-te bakah sawm bik mi 50 vel an tel.

Chapchar Kût

Nimin khan Lunglei additional DC Rotluanga hoin DC conference hall-ah Lunglei district Chapchar Kut Organising Committee an ṭhukhawm a, kût hmanna atan sorkarin Rs. 2,00,000 a pek leh programme-te an siam fel.

MIFCO BoC

MIFCO Board of Directors chu nimin khan an chairman PC Zoram Sangliana, MLA hoin Aijal Club-ah an
ṭhukhawm a, Sairang ram chhunga Food Processing Unit leh Zemabawka sa sawngbawlna hmun tihchang--tlun an rel.

Phone hrui chhia

Mission Veng leh Mission Vengthlang inkalpawhna kawngpui siam mekah telephone hrui laih chhiat a ni a, hei vang hian Mission Vengthlang, Model Veng, Kulikawn leh Khatla South hmun ṭhenkhata telephone-te a chhia. BSNL chuan mipuite hriatthiamna an ngen a ni.

DIG-in tlawh

DIG (Southern Range) Joseph Lalchhuana
chuan nimin khan Luangmual, Lungleia 2nd Bn. MAP hmun a tlawh a, an hmunhma a enfiah.

VFA conference

AH&Vety department hnuaia Veterinary Field Assistant (VFA) chuan nimin khan Vety Polyclinic conference hall-ah, Khatlah conference an hmang a, MYC chairman T Sangkunga'n a hman pui.