Hmeichhiate'n invenhimna tura An inzirna tur scheme hawng

RMSA hnuaia hmei-chhiate'n inven-himna tur an zirna tur programme, Self Defence Scheme for Girls chu nimin khan Champhaia GM High School-ah Champhai district tan hawn a ni.

Self Defence Scheme for Girls hawnna inkhawm hi RMSA deputy DPC C Hualrikhuma'n a kaihruai a, DPC C Rodala'n thu sawiin, "Hmeichhiate hian mahni inveng thei tura thiam thil an neih a ngai tawh. Tawhsual hi tute pawhin tawk thei an ni a, a bikin hmeichhiate chuan mahni invenhim dan an hriat a ṭul," a ti.

District Child Welfare committee member C Lalremliana pawhin thu sawiin, "Mizoramah hian pawngsual hi a tuartu chhungte chuan mualphonaa ngaiin, an ngawihbopui mai ṭhin a, ṭhenkhatin sum hmangin inremna an siam ṭhin. Mahse, a tuartu tak rilru natna hriatpui a, dan hnuaiah pawikhawihna chinfel ngei ngei tur a ni," a ti a; zirlaite chu mahni inveng thei tura thiam thil nei turin a fuih.

Self Defence Scheme for Girls hian district-a sorkar high school zawng zawng a huam dawn a, hmeichhe zirlaite chuan academic session thar
aṭangin taekwondo an zir dawn a ni.