Fire Prevention Week hawng

Nimin khan Lawngtlaia CYLA hall-ah Lawngtlai DC J Hmingthanmawia'n Fire Prevention Week a hawng.

J Hmingthanmawia chuan, "Kan thing leh maute hi kan tuihna hmuhna atan te, boruak thianghlim leh hrisel min petu atan tea Pathianin min pek a ni. Amaherawhchu, mâwlna leh sualna vangtein kan hâlin kan tichereu leh mai ṭhin a, a pawi hle," a ti.

LADC executive member (Forest) KC Malsawmdawngliana pawhin thu sawiin, "Kuminah ram kâng lakah kan him theih nan LADC-in theihtawp a chhuah dawn," a ti a; dan bawhchhiaa sorkar runluihtute chu an dîm dawn lo tih a sawi.

State Level Fire Prevention Commit-tee ruahman ang chuan Fire Prevention Week hi Nilainia hawn tur a ni a, mahse Home Minister hoa 3rd Battalion IR hmunpui tur lungphûm programme a awm avangin nimin khan an hawng ve chauh a ni.

Fire Prevention Week hawnna hun hi nimin khan Sangau Sub-Division Fire Prevention Committee pawhin Sangau-III community hall-ah an hmang a, Sangau SDO(C) Vanlalṭanpuia'n a hawng a ni.