Consultative Committee ṭhukhawm

Lunglei District Consultative Committee chu nimin khan Lunglei DC Abhiji Vijay Chau-dhari hoin DC conference hall-ah an ṭhukhawm.

Abhijit Chaudhari chuan, bank-te'n ram hmasawnnaah leh mi rethei zawkte khai-chhuahna kawngah tih tur pawimawh tak an nei tih a sawi a, "Sorkar pawhin bank-te lakah beiseina sang tak a nei a ni," a ti.

SBI chief manager James LH Pachuau chuan, bank zawng zawngte chu security guard, CCTV, fire extinguisher, alarm system, smoke and heat detector, ultra violet lamp leh police patrol log-book-te nei ṭheuh turin a hrilh.

Meeting-ah hian bank zawng zawngte chu pawisa note bâl, chhia leh ṭette chu thliar hran vek hnuah pawisa note
ṭha chauh Currency Chest Branch-ah dah tawh tura ngen an ni.